Submission 3307

Submitted By: Prema Prakash yalagukar

----------------------------------

आई आई विनविते तुज रक्षण माझे करशील ना तुझीया कोमल उदर मंदिरी आसरा मज देशील ना ॥धृ॥ मला न माहित कोण बाबा | कोण आजी अन् कोण आजोबा तु तर माझा हृदयगाभा | वात्सल्य मूर्ती बनशील ना.... ||१|| कन्या नको चिरंजीव हवा | तोच तुझ्या वंशाचा दिवा आप्तजनांच्या या वचनाना | कानाडोळा करशील ना ||२|| तुझ्या कुशीतूनी जन्म घेऊनी | स्त्री जन्माल सार्थ करुनी ज्ञानाचे मी पंख लावूनी | यशोगगनाला घालू गवसनी ओठी हसू अन् अश्रू नयनी | कौतुके मजे पाहशील ना ||३|| मजस्तव तु किती संकटे झेलली |दुनियेची ही बोलणी सोसली दुःखाश्रूंचे विष पिऊनी तु | अमृतरस मज पाजशील ना ||४|| आप्तजनांचे शब्द ऐकूनी | जर का माल देशील टाकूनी जीव तुझा कळवळला ना जरी |माता न तू वैरीन खरी हाय-हाय चिमुकल्या जीवाचे |आक्रंदन तू ऐकशील ना ||५||

----------------------------------